Planetin asteroidlərdən qorunması üçün 5,6 milyard dollar tələb olunur
Mütəxəssislər nüvə partlayışları vasitəsilə Yer kürəsinin asteroidlərdən mühafizə sisteminin yaradılması üçün vəsaiti açıqlayıblar. Sistem Rusiya Planetar Mühafizə Mərkəzi tərəfindən yaradılıb.
“ICTnews” Elektron Xəbər Xidməti “TASS” resursuna istinadən yazır ki, hava-kosmik sahəsi məsələləri üzrə Ekspert Şurasının II elmi-texniki konfransı zamanı mərkəz direktoru Anatoli Zaytsev nüvə partlayışlarından istifadəni nəzərdə tutan yeni Yer kürəsi mühafizə sistemini təqdim edib.
Təqdimatda qeyd olunub ki, 5-7 il ərzində hazırlanacaq sistemə kəşfiyyat peykləri, kosmik rəsədxanalar, ələ keçirmə aparatları, eləcə də yerüstü idarəetmə və kəşfiyyat seqmenti daxildir.
Məlumata görə, missiyanın birinci mərhələsi dörd aparatın - iki kəşfiyyat və iki asteroid ələ keçirmə aparatının buraxılmasını nəzərdə tutur. Layihənin həyata keçirilməsi üçün 1,3 milyard dollar tələb olunur. Yerüstü infrastrukturun yaradılması daha 1 milyard dollar qiymətləndirilir.
Bildirilir ki, təhlükəli asteroid aşkarlanan zaman ona səma cisminin trayektoriyası, ölçüsü, çəkisi və digər xüsusiyyətlərini dəqiqləşdirəcək kəşfiyyat peykinin göndərilməsi planlaşdırılır. Kəşfiyyat peykinin ardınca səma cisminə vəzifəsi asteroid yaxınlığında nüvə yükünün partladılmasından ibarət olan digər kosmik aparat göndəriləcək. Nəticədə obyekt ya dağılacaq, ya da Yer kürəsinə uçuş trayektoriyasından uzaqlaşacaq.
Təqdimata görə, iki rəsədxana peykinin və dörd kəşfiyyat aparatının buraxılması təklif olunan kosmik müşahidə seqmentinin inkişafı çərçivəsində daha 1,4 milyard dollar lazım olacaq. Paralel olaraq ələ keçirmə peyklərinin sayının daha 3 aparat artırılması təklif edilir ki, bu da 1,8 milyard dollar qiymətləndirilir.
Nizam Nuriyev
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
