Bir neçə şirkətdən ibarət blokçeyn konsorsiumu yaradılıb
“Cisco”, “Bosch”, “Foxconn”, “Gemalto” və bir neçə digər şirkət “Əşyalar interneti” (Internet of Things, IoT) məhsullarının təhlükəsizliyinin artırılması və yaxşılaşdırılması üçün blokçeyn texnologiyasından istifadə məsələləri ilə məşğul olacaq konsorsium yaradıb.
“ICTnews” Elektron Xəbər Xidməti “DailyComm” resursuna istinadən yazır ki, alyans iştirakçıları texnologiya əsasında paltaryuyan maşınlardan tutmuş, nəqliyyat konteynerlərinədək müxtəlif “IoT” qurğuları arasında məlumat mübadiləsi üçün bölüşdürülmüş məlumat bazası və protokol hazırlamaq niyyətindədirlər.
“Bosch Software Innovations” rəhbəri Dirk Slama bildirib ki, biz sənaye sahəsində blokçeynin tətbiqi üçün böyük potensial görürük. “Bizim əsas məqsədimiz mürəkkəb şəbəkələrdə əksər sövdələşmə iştirakçıları tərəfindən məhsulların necə istehsal olunması, nəql edilməsi və dəstəklənməsi haqqında mühafizəli informasiya reyestrinin yaradılmasıdır”, - o vurğulayıb.
Qeyd edək ki, məlumat bazalarının təşkili sistemi olan blokçeyndən virtual valyutalarla aparılan əməliyyatlar barədə informasiyanın saxlanılması üçün istifadə olunur. Texnologiya, həmçinin bank fəaliyyətində tətbiq edilə bilər. Kriptotexnologiya böyük əməliyyatların aparılması üçün vaxta xeyli qənaət etməyə imkan verir.
Nizam Nuriyev
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
