Görünən rənglərin sayını artıran optik qurğu yaradılıb
Viskonsi Universitetinin tədqiqatçılar qrupu insan gözünün rəng qəbulu qabiliyyətini artıran optik qurğu təqdim ediblər. Qurğu vasitəsilə istifadəçi adi rənglərlə yanaşı, rəng çalarlarını və yarım tonları seçmək imkanı əldə edərək onların hər birinin yaranmasını gücləndirir.
“ICTnews” Elektron Xəbər Xidməti “4PDA” resursuna istinadən yazır ki, alimlər “Digital Trends” nəşrinə müsahibədə bildiriblər ki, onların texnologiyası səhra şəraitində kamuflyajı və ya maskalanmış əşyaları seçmək, tez xarab olan məhsulların, xüsusilə tərəvəz və meyvələrin keyfiyyətini müəyyənləşdirmək, eləcə də saxta pul əskinaslarını aşkarlamaq kimi çoxlu xüsusiyyətlərə malikdir.
İnsan gözünün torlu qişasının kiçik çubuqları və kolbacıqları göy, yaşıl və qırmızı rəngləri qəbul edir. Qrup rəhbəri Brendli Qundlah cihazın işləməsini müxtəlif dalğa uzunluqlarının eyni rəng hissi yaradan metameriyanın söndürülməsi sayəsində diapazonun genişlənilməsi ilə izah edir. İnsan gözü sanki göy, yaşıl, qırmızı rəngləri və onların törəmələrini deyil, standart şəraitdə görünməsi qeyri-mümkün olan rəng çalarları və yarım tonları görməyi öyrənir. Adi dünya yeni parlaq rənglərlə oynamağa başlayır və daha da zənginləşir.
Optik qurğuların geniş istifadəyə nə vaxt veriləcəyi barədə məlumat verilmir.
Nizam Nuriyev
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
