Dünyanın ən bahalı brendləri
Beynəlxalq brend-konsaltinq agentliyi “İnterbrand” dünyanın 100 ən bahalı brendinin illik reytinqini dərc edib. “Apple” şirkətinin ticarət markası 58%, 33.5 milyard dollara qədər bahalaşıb. Bunun sayəsində şirkət siyahıda 17-ci yerdən 8-ci yerə yüksələ bilib.
Keçən il reytinqdə 8-ci yeri tutmuş “Nokia” şirkəti 14-cü yerə enib. Finlandiya brendi 15% ucuzlaşıb və hal-hazırda 25 milyard dollar qiymətləndirilir.
Əvvəlki kimi reytinqdə “Coca-Cola” liderlik edir, 1 il ərzində “İBM”, “Microsoft”, “Google”, “General Electric”, “McDonald's”, “İntel”, “Disney” və “HP” şirkətlərinin mövqeləri dəyişməyib.
Bununla belə Larri Peyc və Serqey Brinin internet korporasiyası (Google) brendinin dəyəri 27%, 55,3 milyard dollara qədər artıb.
“Samsung” şirkətinin ticarət markası 20%, 23,4 milyard dollara qədər bahalaşıb (reytinqdə 19-cu yerdən 17-ci yerə qalxıb). İlk dəfə olaraq reytinqə “HTC” brendi daxil edilib. Onun ticarət markası 3.6 milyard dollar qiymətləndirilib və siyahıda 98-ci yerdə yerləşib.
Brendin qiymətləndirilməsi zamanı mütəxəssislər onun (brend) şirkətin maliyyə göstəricilərinə olan əhəmiyyətini, həmçinin ticarət markasının istehlakçı tələbatına təsirini nəzərə alıblar.
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
