Yeni “Samsung Galaxy J3” smartfonu nümayiş olunub
"Samsung" şirkəti yeni "Galaxy J3" (2017) smartfonunu təqdim edərək "J Series" qurğular ailəsinin sayını artırıb.
"ICTnews" Elektron Xəbər Xidməti "Macdigger" resursuna istinadən yazır ki, "Galaxy J3" 1280 х 720 piksel təsvir ölçülü 5 düymlü ekran, 1,4 giqahers takt tezliyinə və "Mali-T720" qrafik sürətləndiricisinə malik dördnüvəli "Exynos 7570" prosessor, 1,5 giqabaytlıq operativ və 16 giqabaytlıq quraşdırılmış yaddaş ilə təchiz edilib. Həmçinin, 128 giqabayt tutumlu "microSD" yaddaş kartını qoşmaq mümkündür.
Smartfonun əsas kamerası 5 meqapikselli matrisa və LED işıqlandırmasından istifadə edir, ön kameranın təsvir ölçüsü 2 meqapikselə bərabərdir. Bundan başqa, "4G LTE", "GPS/GLONASS", "Wi-Fi 802.11b/g/n" və "Bluetooth 4.1" interfeyslərinə malik qurğu 2600 milliamper/saat tutumlu akkumulyatorla təchiz olunub.
"Android 7.0 Nougat" əməliyyat sisteminin idarəetməsi ilə işləyən "Galaxy J3" (2017) smartfonunun qabaritləri 140,9 x 70,1 x 8,7 mm, çəkisi 147 qram təşkil edir.
Məlumata görə, hazırda yalnız ABŞ-da satılan smartfonun satış coğrafiyası bununla məhdudlaşmayacaq və tezliklə onu digər ölkələrdə də əldə etmək mümkün olacaq.
Gümüşü rəngdə təqdim olunan "Samsung Galaxy J3" (2017) modelinin qiyməti 180 dollar təşkil edir. Qurğunun digər regionlarda nə vaxt satışa çıxarılacağı ilə bağlı məlumat verilmir.
Nizam Nuriyev
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
