“LG Pay” mobil ödənişlər sistemi istifadəyə verilib
“LG Electronics” şirkəti “LG Pay” mobil ödənişlər servisini istifadəyə verib. Servis digər Cənubi Koreya istehsalçısı - “Samsung” şirkətinin “Samsung Pay” sisteminin analoqu hesab edilir.
“ICTnews” Elektron Xəbər Xidməti “Life” resursuna istinadən yazır ki, “MCT” (Magnetic Communication Technology) texnologiyasından istifadə edən yeni xidmət smartfonu adi terminallara yaxınlaşdırmaqla ödənişlər həyata keçirməyə imkan verir. Əməliyyatların istifadəçinin barmaq izi skaneri ilə təsdiq edilməsi tələb olunur.
Məlumata görə, hazırda Cənubi Koreya ərazisində istifadəyə verilən “LG Pay” sistemi “Shinhan”, “KB”, “BC” və “Lotte” bank kartlarını dəstəkləyir. Gələcəkdə şirkət servisin coğrafiyasını genişləndirməyi nəzərdə tutsa da, hazırda bu barədə konkret planlar açıqlamır.
“LG Pay” xidmətini ilkin olaraq proqram təminatı ilə birlikdə yeni funksiyaya malik olacaq “LG G6” smartfon istifadəçiləri sınaqdan keçirə biləcəklər. Bir müddət sonra digər qurğu istehsalçıları da servisi dəstəkləməyi planlaşdırır.
Nizam Nuriyev
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
