“Twitter” mesajlara qoyulmuş limiti artırmağı sınaqdan keçirir
“Twitter” mikrobloqlar xidməti mesajlara qoyulmuş məhdudiyyəti 280 simvoladək artırmağı sınaqdan keçirir.
“ICTnews” Elektron Xəbər Xidməti “news.rambler.ru” saytına istinadən yazır ki, bundan əvvəl mikrobloqlar xidmətində mesajlara qoyulmuş məhdudiyyət 140 simvola bərabər idi.
"Biz istəyirik ki, hər bir insan “Twitter”də öz fikirlərini rahat şəkildə ifadə edə bilsin və buna görə biz mesajların uzunluğunu 280 simvoladək artırmaq üzərində işləyirik" – şirkətin meneceri Aliz Rouzen deyib. Məlumata görə, mesajlarda limitin artırılması yapon, Çin və Koreya dillərinin özəlliklərinə görə bu dillərə aid edilməyəcək. Rouzen, həmçinin qeyd edib ki, hazırda yenilik yalnız kiçik qrup üçün əlçatan olacaq.
ABŞ-ın “Twitter Inc.” şirkəti 2006-cı ildə təsis edilib. Şirkətin əsas məhsulu 140 simvoldan ibarət mesajlarla ictimai mübadilə üçün sosial şəbəkədir.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
