Qlobal fərdi kompüter bazarının həcmi artıq 3 il ardıcıl azalır
“Gartner” analitik şirkətinin 2017-ci ilin üçüncü rübü üzrə ilkin məlumatlarına əsasən, demək olar ki, qlobal kompüter sektorunda artıq üç il ardıcıl azalma qeydə alınır.
Bu dövrdə dünyada təxminən 67 milyon masaüstü və noutbuk istehsal edilib ki, bu da ötən illə müqayisədə 3,6% azdır.
“ICTnews” Elektron Xəbər Xidməti “dailycomm.ru” saytına istinadən yazır ki, "EMEA (Avropa, Yaxın Şərq, Afrika), Yaponiya və Latın Amerikası daxil olmaqla əsas regionlarda fərdi kompüter (FK) sənayesində sabitləşmə əlamətlərinə baxmayaraq, Amerika bazarının həcminin azalması öz təsirini göstərib – “Gartner” şirkətinin baş analitiki Mika Kitaqava deyib. “Windows 10” sisteminin quraşdırılması nəticəsində kompüterlərə artan korporativ tələbat bütün regionlarda FK-in tədarükünə təkan verib, ancaq regiondan asılı olaraq sistemlərin yenilənmə müddəti dəyişilir".
“Gartner”in məlumatına görə, hazırda komponent çatışmazlığı müşahidə olunur. Cari ilin üçüncü rübündə əməli yaddaşın (DRAM) çatışmazlığı daha çox hiss olunub.
Hesabata görə, 2017-ci ilin iyul-sentyabrında “HP Inc.” və “Lenovo” şirkətləri kompüter tədarükünə görə birinci yeri bölüşdürüblər.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
