Kənar təsirlərdən üçqat mühafizəli “Xiaomi” smartfonları buraxılacaq
Çinin “Xiaomi” şirkəti kənar təsirlərə və əlverişsiz hava şəraitinə qarşı yüksək davamlığa malik smartfonların buraxılışına başlamaq niyyətindədir.
“ICTnews” Elektron Xəbər Xidməti “3DNews” resursuna istinadən yazır ki, söhbət üç istiqamət üzrə mühafizədən gedir: birincisi, bu, zərbələrə və düşmələrə dözümlü olmaqla iş qabiliyyətinin saxlanılmasıdır. İkincisi, rütubətdən mühafizədir ki, bu da qurğudan ehtiyat etmədən yağışlı havada istifadəyə imkan verəcək, eləcə də onun təsadüfən suya düşməsi zamanı sınmanı aradan qaldırmağa kömək edəcək. Nəhayət, üçüncüsü, qurğunun tozkeçirməz olmasıdır.
Texniki xüsusiyyətlər barədə ətraflı məlumat hələ ki verilmir. Şirkətin bir sıra smartfon və fabletləri “IP67” və ya “IP68” standartına uyğun buraxacağı gözlənilir.
Məlumata görə, “Xiaomi” kənar təsirlərdən üçqat mühafizə üzrə smartfonları 2018-ci ilin birinci yarısında təqdim edəcək. Öz növbəsində şirkət internet mənbələrində yayılan məlumatları şərh etmir.
Qiymətləndirməyə görə, bu ilin üçüncü rübündə smartfonların qlobal tədarük həcmi 373,1 milyon ədəd təşkil edib. “Xiaomi” 27,6 milyon qurğu sataraq nəticədə dünya bazarında 7,4 faizə sahib çıxıb. Şirkət aparıcı smartfon istehsalçıları siyahısında beşinci yerdə qərarlaşıb.
Nizam Nuriyev
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
