2017-ci ilin ən uğursuz cihazları məlum olub
"Engadget" portalı geridə qoyduğumuz ilin ən uğursuz cihazlarından ibarət siyahısını dərc edib.
"ICTnews" Elektron Xəbər Xidməti "belta.by" saytına istinadən yazır ki, ilk yeri "Juicero" şirəsıxanı tutub. Startap təxminən 120 milyon dollar məbləğində investisiya cəlb edib və meyvə qarışığından ibarət xüsusi paketlərdəki şirənin sıxılması üçün hazırlanıb. Qurğunun ilkin qiyməti 700 dollar idi, sonra 400 dollara endirilib. Meyvələrdən ibarət paketin qiyməti 5-10 dollar təşkil edirdi. Müəyyən müddətdən sonra "Blomberg" nəşri tərəfindən dərc edilmiş araşdırmadan sonra məlum olub ki, paketlərdəki şirəni əllə də sıxmaq olar. Cari ilin sentyabrında şirkət öz fəaliyyətini dayandırıb.
"LG Watch Style" smart saatları geridə qoyduğumuz ilin ən uğursuz qurğuları sırasında ikinci yerdə qərarlaşıb. Nəşr hesab edir ki, bu saatların dizaynı solğundur və avtonom işləmə müddəti çox azdır.
"Bodega" yemək avtomatını idman zalları, mənzil və ofislərdə quraşdırmaq planlaşdırılmışdı. Artıq tualet kağızı, qısqac və yulaf lopalarını ünvana çatdırırdılar. Ancaq mağazaya gedərək lazımi məhsulları sifariş etmək daha asandır deyə, bu layihə uğursuz olub.
130 dollar dəyərində dinamiklə təchiz edilmiş kepka və marçıltı səsini aradan qaldıran çəngəl ekspertlər tərəfindən birmənalı qarşılanmayıb.
"Samsung Bixby" səs assistenti də uğursuz alınıb. Məlum olub ki, sözügedən səs assistenti "Google"un analoqundan zəifdir. Bununla belə, internet nəhəngi "Pixel Buds" sinxron tərcümə sisteminə malik qulaqlıqları üzərində tam işləməyib.
Nəhayət, ən uğursuz cihazlardan biri ağız üçün maska olub. "Hushme" qurğusu abunəçinin ətrafdakı insanlara mane olmaması üçün telefon söhbətinin səsini yox edir. Belə cihazın qiyməti təxminən 190 dollar təşkil edir.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
