Bu ölkədə messencerdən virtual şəxsiyyət vəsiqəsi kimi istifadə ediləcək
Çinin Quancjou şəhərində “WeChat” messencerinin virtual şəxsiyyət vəsiqəsi kimi tətbiqi üzrə pilot layihə istifadəyə verilib.
“ICTnews” Elektron Xəbər Xidməti “securitylab.ru” saytına istinadən yazır ki, Çin hakimiyyətinin fikrincə, layihə 2018-ci ilin yanvarından ölkə ərazisində qüvvədə olacaq. Messencer vətəndaşların ənənəvi şəxsiyyət vəsiqələrini əvəz edəcək və onlara dövlət xidmətləri, çatdırılma xidmətləri, mehmanxanalarda qeydiyyatdan keçməyə, alış-veriş etməyə imkan verəcək.
Çin vətəndaşları üçün ID kartın iki versiyası əlçatan olacaq. Sadə versiya internet kafedə qeydiyyatdan keçməyə və başqa gündəlik işləri görməyə, qabaqcıl versiya isə, məsələn, biznesi qeydiyyatdan keçirməyə imkan verəcək.
“WeChat” mətn və səsli mesajların ötürülməsi üçün mobil rabitə sistemidir. Çinin “Tencent” şirkəti tərəfindən hazırlanıb. Xidmət 2011-ci ilin yanvarında istifadəyə verilib.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
