“Apple” köhnə “iPhone” modellərinin işindəki ləngimələrə görə üzr istəyib
“Apple” korporasiyası köhnə “iPhone” modellərinin işindəki ləngimələrə görə öz müştərilərindən üzr istəyib. Bu haqda şirkətin saytında məlumat yerləşdirilib.
"Bəziləriniz “Apple” şirkəti tərəfindən aldadıldığını düşünür. Biz üzr istəyirik. Bu problem bir çox anlaşılmazlıqlar yaradıb, buna görə biz izahat vermək və üzərində işlədiyimiz dəyişikliklər haqda məlumat vermək istərdik” – bəyanatda deyilir.
“ICTnews” Elektron Xəbər Xidməti “lenta.ru” saytına istinadən yazır ki, şirkətdən bəyan edilib ki, biz istehlakçıları öz qurğularını yeniləməyə məcbur etməkdən ötrü “Apple” şirkətinin istənilən məhsulunun xidmət müddətini azaltmaq üçün heç bir tədbir görməmişik və görməyəcəyik. "Biz istehlakçılarımızın xoşuna gələn məhsullar yaratmağı qarşımıza məqsəd qoymuşuq və uzun müddət işləyən “iPhone” yaradılması bu hədəfin mühüm hissəsidir" – “Apple”dan bildirilib.
Korporasiyanın nümayəndələri köhnə modellər üçün batareyaların dəyişdirilməsi dəyərini 79-dan 29 ABŞ dollarınadək azaltmağa dair söz veriblər, həmçinin məlumat veriblər ki, 2018-ci ilin yanvarında çıxarılacaq yeni “iOS” yeniləməsi istifadəçilərə “Apple” cihazlarında akkumulyatorların vəziyyəti haqda daha çox informasiya əldə etməyə imkan verəcək.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
