İkinci nəsil “Nokia 6” smartfonu rəsmən təqdim edilib
“HMD Global” şirkəti Çində “Nokia 6” smartfonunun ikinci nəslini təqdim edib. Orta səviyyəli yeni model dəbdə olan çərçivəsiz displeylə təchiz edilməyib, amma smartfonun əsas xüsusiyyətləri məlumdur.
Smartfonda barmaq izləri skaneri arxa panelə keçirilib, ekranın alt hissəsindəki düymələr ləğv edilib.
“ICTnews” Elektron Xəbər Xidməti “ferra.ru” saytına istinadən yazır ki, metal korpusa salınmış smartfon “Full HD” (1920x1080 piksel) təsvir ölçülü 5,5 düymlük ekran, “Corning Gorilla Glass 3” qoruma şüşəsi, 16 meqapiksellik əsas, 8 meqapiksellik ön kamerası, əvvəlki nəsil modellə müqayisədə daha güclü prosessor, 4 QB əməli yaddaş, 32/64 QB daxili fləş yaddaşla təchiz edilib. 3000 milliamper/saat tutumlu akkumulyator sürətli enerjidoldurma texnologiyasına malikdir.
Smartfon “Android 7.1.1 Nougat” mobil əməliyyat sistemi ilə idarə olunur.
İki SİM kart, “4G VoLTE”, “Wi-Fi” (802.11 a/b/g/n), “Bluetooth 5”, FM radiosu dəstəklənir, USB Type-C portu və qulaqlıqlar üçün 3,5 mm-lik konnektoru mövcuddur. Aparatın çəkisi 172 qram təşkil edir.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
