İnsanabənzər “Saram” robotu təqdim olunub
“Samsung” şirkəti süni intellektə malik insanabənzər “Saram” robotunun hazırlanmasını başa çatdırıb.
“ICTnews” Elektron Xəbər Xidməti “Naked Science” resursuna istinadən yazır ki, “Saram” şirkət zavodlarının anbarlarında ağır əşyaların qaldırılması və ya yerdəyişməsi üçün istifadə ediləcək robot manipulyatordur. Bununla belə, Cənubi Koreya istehsalçısı “Saram” robotundan cərrahiyyə və ya ev şəraitində istifadə üçün onun funksiyalarının genişləndirilməsi ilə bağlı planlarını açıqlayıb. Lakin şirkət nümayəndələrinin sözlərinə görə, robotun kommersiya istifadəsi barədə danışmaq hələ ki tezdir.
Məlumata görə, “Samsung” bu yaxınlarda robotların vertikal hərəkət etməsi texnologiyası üzərində işi tamamlayıb. Texnologiya ikiayaqlı robotlara stabil duruşu saxlamağa kömək edərək səthin mailliyinin dəyişməsi zamanı baldırla pəncəni birləşdirən oynaq bucağını tənzimləməyə imkan verir. Həmçinin şirkətin planlarına xəritələrin yaradılması üçün yerləri tanıyaraq vizual informasiya toplayan robotun hazırlanması daxildir.
Nizam Nuriyev
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
