“Facebook” istifadəçi məlumatlarının itkisi barədə informasiyaya görə mükafatlandıracaq
“Facebook” sosial şəbəkəsi tərəfindən elan edilmiş “Data Abuse Bounty” proqramı çərçivəsində şirkət məlumatlardan qanunsuz istifadə edən kənar mobil proqram tərtibatçıları haqda məlumata görə ödəniş edəcək. Bu haqda “Facebook”un bloqunda məlumat verilib.
“ICTnews” Elektron Xəbər Xidməti “hitech.newsru.ru” saytına istinadən yazır ki, yeni proqram “Facebook”da boşluqların axtarışı üzrə mövcud proqramla paralel fəaliyyət göstərəcək. “Facebook” kənar proqramlar tərəfindən istifadəçi məlumatlarının toplanaraq onların üçüncü tərəfə ötürülməsi ilə bağlı sübut təqdim edən şəxslərə 40 min ABŞ dollarınadək mükafat ödəyəcək.
“Facebook” mümkün pozuntular haqda bütün məlumatları maksimum dərəcədə tez araşdıracağına dair söz verib. Məlumatların qanunsuz istifadəsi haqda informasiya təsdiq edildiyi halda sosial şəbəkə qaydaları pozan mobil proqramın işini dayandıracaq, zərər dəymiş istifadəçilərə xəbərdarlıq edəcək, ehtiyac olduqda istifadəçi məlumatlarını satan və onları alan şəxslərə qarşı məhkəmədə iddia qaldıracaq.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
