“Panasonic” sifətin tanınması funksiyasına malik smartfonunu təqdim edib
Yaponiyanın “Panasonic” şirkəti “4G” smartfonlar xəttinə yeni “P95” modelini əlavə edib. Yeni aparat sifətin tanınması vasitəsilə blokdan çıxartmaq texnologiyasına malikdir.
“ICTnews” Elektron Xəbər Xidməti “dailycomm.ru” saytına istinadən yazır ki, təqdim edilmiş qurğu 1280x720 nöqtə (HD) təsvir ölçülü 5 düymlük ekran, 1.3 QHs takt tezlikli dördnüvəli “Qualcomm Snapdragon 210” (MSM8909) prosessoru, 1 QB-lıq əməli yaddaş və 16 QB-lıq daxili fləş daşıyıcı ilə təchiz edilib. Bundan başqa, tutumu 128 QB-dək “microSD” formatlı çıxarılıb taxılan yaddaş kartlarının qoşulması üçün bölmə nəzərdə tutulub.
8 meqapiksellik əsas kamera işıq diodu işıqlandırıcısına malikdir. “Selfi” və videozənglər üçün nəzərdə tutulmuş 5 meqapiksellik ön kamera telefonu blokdan çıxartmaq üçün sifətin tanınması texnologiyasını dəstəkləyir.
Həmçinin aparatda “4G LTE”, “3G HSPA+”, “Wi-Fi 802.11 b/g/n”, “Bluetooth 4.1” və “GPS” simsiz rabitə modulları dəstəklənir, “SIM” kartlar üçün iki slot, 2300 milliamper/saat tutumunda çıxarılıb taxılan akkumulyator batareyası var və “Android 7.1.2 Nougat” əməliyyat sistemi quraşdırılıb. Cihazın qalınlığı 7,95 mm, çəkisi 164 qr-dır.
“Panasonic P95” smartfonunun satış qiyməti 75 dollardır. Aparat göy, qızılı və boz rənglərdə əlçatandır.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
