Cənubi Koreyada dünyada ilk “5G” kommersiya şəbəkəsi istifadəyə veriləcək
Cənubi Koreyanın ən böyük mobil operatoru olan “SK Telecom” aprelin 5-də dünyada ilk beşinci nəsil kommersiya rabitə şəbəkəsini istifadəyə verəcək.
“ICTnews” Elektron Xəbər Xidməti “hitech.newsru.com” saytına istinadən yazır ki, ilk aylar yalnız “Samsung Galaxy S10” smartfonunu satın almış operatorun abunəçiləri “5G” texnologiyasının üstünlüklərini qiymətləndirmək imkanı əldə edəcəklər, amma yaxın gələcəkdə beşinci nəsil şəbəkəsini dəstəkləyən smartfonların siyahısı sürətlə artmağa başlayacaq.
“SK Telecom” operatorunun qiymətləndirməsinə görə, bu ilin sonuna operatorun 1 milyon abunəçisi “5G” şəbəkəsindən istifadə etmək imkanına malik olacaq.
Xatırladaq ki, “5G” rabitə standartı LTE (4G) ilə müqayisədə qurğular arasında məlumatları dəfələrlə daha sürətli ötürməyə imkan verir. Məlumat mübadiləsinin sürəti 1 Qbit/san-dən çoxdur.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
