“Counterpoint Technology Market Research”in analitikləri son rübdə qlobal smartfon və düyməli telefonlar bazarında əsas tendensiyaları əks etdirən ənənəvi hesabatı dərc ediblər.
“ICTnews” Elektron Xəbər Xidməti “dailycomm.ru” saytına istinadən yazır ki, hesabata görə, 2019-cu ilin iyul-sentyabrında qlobal smartfon tədarükü 380 milyon səviyyəsində olub. Eyni zamanda düyməli aparatların aid edildiyi “feature phone” seqmentinin tədarük həcmi 21% azalaraq 88 milyon təşkil edib.
Coğrafi məkan baxımından, Hindistan smartfon bazarında ən yaxşı nəticə nümayiş etdirib, adıçəkilən ölkədə tədarüklərin həcmi 10% artaraq 49 milyon olub. Yaxın Şərq və Afrika ölkələrində tədarük həcmi 8% yüksəlib. Çində isə 5%-lik azalma qeydə alınıb.
Emil Hüseynov