“DisplaySearch” şirkətinin analitiki Riçard Şim “CNET News”-a müsahibəsində üçüncü nəsil “iPad” planşet kompyuteri üçün ekranların tədarük edilməsinin başlanması haqqında informasiyanı təsdiq edib.
“Apple” şirkətinin sifarişi əsasında 9,7 düymlü ekranları “Samsung”, “LG Display” və “Sharp” şirkətləri hazırlayacaqlar. 3 istehsalçının seçilməsi lazımi təchizat həcmlərini təmin edəcək və mümkün ola biləcək riskləri azaltmağa imkan yaradacaq.
Məlumatlara əsasən, yeni "Aypad" ekranının kəskinliyi 2048×1536 piksel, parlaqlıq isə 550 kd/m² təşkil edəcək . Müqayisə üçün: “iPad 2” planşetində ekranın kəskinliyi 1024×768 nöqtə olub. Qurğunun kütləvi istehsalı 2012-ci ilin birinci rübündə başlanacaq.