Çinin “Huawei” şirkəti ucuz, amma məhsuldar “Honor 9x Pro” smartfonunu təqdim edib.
“ICTnews” Elektron Xəbər Xidməti “ferra.ru” saytına istinadən yazır ki, “Kirin 810” prosessoru ilə təchiz edilmiş qurğu 1080 x 2340 piksel təsvir ölçülü 6,59 düym diaqonallı displeyə malikdir. Aparat "9 qat" soyutma sistemindən istifadə edir.
“Honor 9x Pro” smartfonunun ön kamerası irəli çəkilən modulda yerləşdirilib. Kamera qoruma sisteminə malikdir: datçik smartfonun yerə düşməsini qeydə alan kimi kamera korpusun içində gizlənir. Qurğunun əsas kamerası 48, 8 və 2 meqapiksellik 3 datçikdən ibarətdir. Smartfona quraşdırılmış akkumulyatorun tutumu 4000 milliamper/saat təşkil edir.
“Honor 9x Pro” smartfonu iki rəngdə (“Phantom Purple” və “Midnight black”) təqdim edilib.
6 QB əməli və 256 QB daxili yaddaşa malik versiyanın qiyməti 249 avro təşkil edir.
Emil Hüseynov