Danimarkanın “Senseye” şirkəti istifadəçinin mobil qurğularla qarşılıqlı əlaqəsi sahəsində inqilab etməyə hazırlaşır. “Startap” gözlərin hərəkəti vasitəsi ilə smartfonun interfeysini idarəetmə sistemini hazırlayıb. “The Next Web” xəbər verib. Yeniliyi “HTC Desire” smartfonunda test ediblər.
Baxış vasitəsilə smartfonu blokdan çıxarmaq, mesaj göndərmək, oyun oynamaq, səyyahı idarə etmək və digər şeyləri qurğu ekranına toxunmadan etmək olar. 2013-cü ildən başlayaraq “Senseye” texnologiyasını mobil əməliyyat sistemlərinə quraşdıracaq.