“Windows 10” sisteminin növbəti yeniləməsi əməliyyat sisteminin iş alqoritminə böyük dəyişiklik edib. Bu dəfə dəyişiklik avadanlıq üçün drayverlərin quraşdırma prosesi ilə bağlıdır, indi drayverlər şirkətin yeni siyasətinə uyğunluqla bağlı yoxlamadan keçməlidir.
“ICTnews” Elektron Xəbər Xidməti “4pda.ru” saytına istinadən yazır ki, “Microsoft”un nümayəndələri bildiriblər ki, yeni drayver yoxlama modeli lazımi təhlükəsizliyi təmin edəcək. “Windows” sistemi drayverin quraşdırılması zamanı onun əsilliyini yoxlaya bilmədikdə ekrana müvafiq mesaj çıxarılacaq. Bu halda quraşdırma prosesi avtomatik olaraq dayandırılacaq.
“Microsoft” bu kimi hallarda proqram təminatını yeniləmək xahişi ilə müvafiq proqram təminatı istehsalçılarına müraciət etməyi məsləhət görür, əks təqdirdə onun quraşdırılması qeyri-mümkün olacaq.
Emil Hüseynov