2020-ci ilin sonuna yaxın Çində onlayn təhsil istifadəçilərinin sayı 342 milyon nəfərə yaxınlaşıb ki, bu da ölkənin internet istifadəçilərinin ümumi sayının 34,6%-nə bərabərdir. Bu barədə Çində internetin inkişafı barədə hesabatda deyilir.
"ICTnews" Elektron Xəbər Xidməti "ria.ru" saytına istinadən yazır ki, bu artım onlayn təhsil sahəsi üçün perspektivli gələcəyə işarə edir və bu, ölkə üzrə təhsilin balanslaşdırılmış inkişafına imkan yaradacaq.
2020-ci ilin noyabrına olan məlumata görə, Çində ibtidai və orta məktəblərin 99,7%-i internetə çıxış imkanına malik olublar.
Ötən ilin oktyabr-yanvar ayları ərzində Çində onlayn təhsil sahəsində 82 min yeni şirkət təsis edilib. 2020-ci ilin ilk 11 ayı ərzində bu sektora ümumilikdə təxminən 6 milyard dollar xərclənib ki, bu da ötən ilin müvafiq dövrü ilə müqayisədə 25% daha yüksəkdir.
Emil Hüseynov