Dünyada ilk dəfə olaraq planşetlər üçün xüsusi sərt disk
“Seagate” şirkəti "dünyada ilk dəfə olaraq planşet və noutbuklar üçün təyin olunmuş xüsusi sərt disk" hazırlayacaq.
2.5 form-faktorunda hazırlanmış “Momentus Thin” daşıyıcıları 7 mm qalınlığa malikdir. Bu, onları ənənəvi fləş modulların əvəzinə incə korpusla mini- kompyuterlərə quraşdırmağa imkan verir.
“Momentus Thin” şpindelinin fırlanma sürəti 5 400 və ya 7 200 dövr/dəq təşkil edə bilər; buferin həcmi 16 MB-ə bərabərdir.
Sərt disklərin tutumu 160, 250 və ya 320 QB-dır. Müqayisə üçün bildirək ki, indiki planşet kompyuterlərin əksəriyyətinin fləş yaddaş tutumu 16 – 64 QB arasında dəyişilir.
“Momentus Thin” vinçesterləri ilə təchiz edilmiş ilk planşetlər keçən həftə elan edilmiş “Archos G9” qurğuları olub. Onlar 2 nüvəli “TI OMAP4” (takt tezliyi 1.5 QHz), “Wi-Fi” (802.11b/g/n) və “Bluetooth 2.1” simsiz əlaqə adapterləri, GPS peyk naviqasiya sistemi qəbuledicisi, elektron kompas, USB və Mini-HDMI interfeysləri ilə təchiz edilib. Ekranın diaqonalı 8 və ya 10,1 düymdür.
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
