Kibernetika, informasiya texnologiyaları və texnika üzrə Problem Şurasının növbəti iclası olmuşdur
Dekabrın 29-da Azərbaycan Milli Elmlər Akademiyasının (AMEA) İnformasiya Texnologiyaları İnstitutunda kibernetika, informasiya texnologiyaları və texnika üzrə Problem Şurasının növbəti iclası keçirilmişdir.
Bakı, 29 deklabr (AzərTAc). Dekabrın 29-da Azərbaycan Milli Elmlər Akademiyasının (AMEA) İnformasiya Texnologiyaları İnstitutunda kibernetika, informasiya texnologiyaları və texnika üzrə Problem Şurasının növbəti iclası keçirilmişdir.
AMEA-dan AzərTAc-a bildirmişlər ki, Problem Şurasının sədri, akademik İsmayıl İbrahimov gündəlikdə duran məsələlər haqqında məlumat vermişdir.
İclasda kibernetika, informasiya texnologiyaları və texnika üzrə Problem Şurasının adının dəyişdirilərək kibernetika və informasiya texnologiyaları üzrə Problem Şurası adlandırılması, texnika elmlərinə aid olan məsələlərin isə Respublika Elmi Tədqiqatların Təşkili və Əlaqələndirilməsi Şurasının (RETTƏŞ) müvafiq problem şuralarında baxılması və həlli məsələləri müzakirə olunmuş və şuranın qərarı ilə təsdiq edilmişdir.
İclasda, həmçinin Problem Şurasının 2011-ci ildə gördüyü işlər haqqında hesabat verilmiş və alınan nəticələr haqqında RETTƏŞ-ə məlumatın verilməsi qərara alınmışdır.
Azərbaycan Respublikasının müstəqilliyinin bərpasının 20-ci ildönümü ilə əlaqədar Problem Şurasının bu müddətdə əldə etdiyi nailiyyətlər və gördüyü işlərin kitab şəkilində nəşr olunması qərara alınmışdır.
Problem Şurasının iclasında 2011-ci ildə AMEA Kibernetika və İnformasiya Texnologiyaları institutlarının dissertanturası və doktoranturasına (fəlsəfə doktoru hazırlığı üzrə) qəbulun nəticələri və 2012-ci ildə görüləcək işlər müzakirə olunaraq təsdiq edilmişdir.
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
