İspaniyada mobil texnologiyalara həsr edilmiş sərgi-konfrans keçiriləcək
Fevral ayının 27-də İspaniyanın Barselona şəhərində işə başlayan "GSMA Mobile World Congress 2012" sərgi-konfransı mart ayının 1-ə qədər davam edəcək. Tədbir mobil texnologiyalara həsr edilmiş ən böyük sərgi-konfransdır.
Tədbir "Fira Montjuïc" sərgi mərkəzində Ümumdünya GSM Assosiasiyasının təşkilatçılığı ilə keçirilir. Sərginin ekspozisiyasını mobil innovasiyalar, mobil əlavələrin hazırlanması, açıq mobil sistemlər, mobil internet və əyləncə bölmələri təşkil edir.
Sərgi-konfransda "Vodafone", "Microsoft", "Orange", "China Mobile", "T-Mobile", "Telefonica Moviles", "Ericsson", "Motorola" və bir çox digər nəhəng İT şirkətlərinin iştirak edəcəyi gözlənilir. Beynəlxalq tədbir yalnız texnoloji yeniliklərin və son nailiyyətlərin nümayişi ilə məhdudlaşmır.
"GSMA Mobile World Congress 2012" çərçivəsində sahə üzrə seminarların, forumların və sessiyalar çərçivəsində mobil texnologiyalar sahəsində olan problemlər və perspektivlər müzakirə predmeti olacaq.
CAHANGİR
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
