“Opera” şirkəti mobil reklam üzrə ixtisaslaşmış iki şirkət satın alacaq
Norveçin "Opera" şirkəti reklam sahəsi ilə məşğul olan "Mobile Theory" və "4th Screen Advertising" şirkətlərini satın almaq planları haqqında elan edib. Şirkətin mətbuat xidmətindən bildirilib ki, plana əsasən, bu satınalmalar "Opera Mini" və "Opera Mobile" mobil səyyahları vasitəsilə yaradılan trafikdən daha çox pul qazanmağa kömək edəcək.
"Opera" şirkəti ABŞ-da fəaliyyət göstərən "Mobile Theory" reklam şəbəkəsi üçün 18 milyon dollar, mobil reklam kampaniyalarında ixtisaslaşmış "4th Screen Advertising" ingilis agentliyi üçün isə 8 milyon dollar ödəyəcək.
Bu, "Opera" şirkətinin reklam biznesi sahəsində ilk satınalması deyil. Şirkət 2 il əvvəl "AdMarvel" şirkətini satın alıb. "Opera Software" yeni şirkətləri almaqla platformanın imkanlarını genişləndirməyi nəzərdə tutur.
Məlumat üçün qeyd edim ki, Norveçin "Opera Software ASA" şirkəti fərdi kompyuter və mobil qurğular üçün veb-səyyahlar hazırlayır. "Opera" veb-səyyahlarının həm stolüstü ("Windows", "MacOS", "Linux" və s.), həm də mobil platformalar ("Symbian", "Maemo", "Java", "Android", "iPhone") üçün versiyaları mövcuddur. "StatCounter" analitik şirkətinin məlumatına görə, "Opera" veb-səyyahının stolüstü kompyuterlər üçün payı təxminən 2% təşkil edir.
EMİL
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
