İsveçrənin “BlackSocks” şirkəti “RFID” tezlikli çiplə təchiz edilmiş yeni corab seriyası istehsal edib. Beləliklə, bu, corablarını tez-tez itirən istehlakçılara yardımçı olacaq.
“ICTnews.az” elektron xəbər xidməti “ruvr.ru” saytına istinadən bildirir ki, corabların üzərində, həmçinin müəyyən cüt corabları “tanıya” bilən xüsusi qurğu təklif edilir. Bu xüsusi qurğunu “Bluetooth” vasitəsilə “iPhone” smartfonuna qoşmaq olar.
Xüsusi qurğu yalnız müəyyən cüt corabları seçməyi deyil, həm də onun tərkibini, yuyulma sayını və ilkin istehsal tarixini göstərmək iqtidarındadır.Xüsusi qurğu ilə 10 cüt pambıq corabın qiyməti 159 avroya bərabərdir. Şirkət hələ ki qara corablar istehsal edir.
