İlk dəfə olaraq AMEA tərəfindən məktəblilər üçün İnformatika olimpiadası keçirilib
Azərbaycan Milli Elmlər Akademiyası (AMEA) Fizika İnstitutunun və bu elmi müəssisənin Gənc Alim və Mütəxəssislər Şurasının təşkilatçılığı ilə Fizika, Riyaziyyat və İnformatika təmayüllü liseydə olimpiada keçirilib.
Olimpiada Yasamal rayonu üzrə bütün ümumtəhsil məktəblərinin X sinifləri arasında təşkil olunub. Məktəblilərdə elmə maraq yaratmaq məqsədilə təşkil olunmuş olimpiada suallarının hazırlanmasını institutun direktoru, fizika-riyaziyyat elmləri doktoru Nazim Məmmədov elmi müəssisənin pedaqoji təcrübəsi olan alimlərinə həvalə edib.
İnstitutdan qeyd edilib ki, bu cür olimpiadalar ənənəvi olaraq hər il Azərbaycan Respublikası Təhsil Nazirliyinin təşkilatçılığı ilə keçirilib. Bu il isə ilk dəfə olaraq AMEA-nın prezidenti, akademik Akif Əlizadənin təşəbbüsü ilə akademiyanın institutları tərəfindən təşkil olunur.
Olimpiadanın qalibləri I, II, III dərəcəli diplom və qiymətli mükafatlarla təltif olunacaqlar.
Həqiqət İSABALAYEVA
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
