Elektron siqaret Bakı mağazalarında
Alqı-satqı elanlarında rast gəldiyimiz bu elan bəlkə də çoxlarının marağına səbəb olacaq. Bakının elektron avadanlıqları satışı ilə məşğul olan mağazalarında yeni avadanlıq da satılır - elektron siqaret.
Bu avadanlığın satışı ilə məşğul olan Vaqif Quliyev adlı paytaxt sakini e-siqaretin üstünlükləri haqqında ICTnews-ə məlumat verərək bildirib ki, e-siqaret adi siqaret çəkmə prosesini imitasiya edən, qatran və yanma məhsulu tərkibində olmayan və nikotinin miqdarının dəyişməsinə imkan verən bir cihazdır. İstehsalçıların fikrincə, elektron siqaret təmizlənmiş nikotinin istifadəsi hesabına həm fiziki, həm də psixoloji asılılığın nəzarət altında saxlanılmasına imkan verir.
Elektron siqaret batareya, buxarlandırıcı, mikroprosessor, həmçinin nikotin və propilenqlikol daxilində olan aromatik mayeli kartricdən ibarətdir. Propilenqlikol adlanan maddə yeyinti sənayesində istifadə olunur və tamamilə təhlükəsizdir. Qeyd edək ki, e-siqaretin qiyməti 65 manatdan başlayır və dizaynına görə qiymətlər dəyişir.
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
