Tarix:27/04/12

“Samsung” şirkəti dünyada ən nazik “DVD” qurğu istehsal edib

“Samsung Electronics” şirkəti hündürlüyü 14 mm olan “SE-218BB” adlı xarici “DVD” qurğu təqdim edib. İstehsalçı iddia edir ki, “SE-218BB”  dünyada ən nazik “DVD” qurğudur.

“İCTnews.az” elektron xəbər xidməti “cnews.ru” saytına istinadən bildirir ki, “SE-218BB” qurğusu “Smart Power” texnologiyası ilə təchiz edilib. Bu texnologiya sayəsində eyni anda məlumatların ötürülməsi və enerji “qidalanması” üçün 1 ədəd “USB” kabelindən istifadə etmək mümkündür.

Qurğunu “USB” birləşdirici ilə təchiz edilmiş “Android” planşetə qoşmaq və “DVD” diskdən filmlərə baxmaq olar. Bunun üçün planşetin “Android 3.1 Honeycomb” və ya daha yeni versiya ilə işləməsi şərtdir.
 “Samsung” şirkətinin nümayəndələri bildiriblər ki, qurğu ekoloji standartlara uyğun olaraq hazırlanıb.
Qurğunun qiyməti 60 dollardır.
 





EMİL

Baxış sayı: 1015

© İstifadə edilərkən İctnews-a istinad olunmalıdır