12px13px15px17px
Tarix:12/07/11

Çində yeni güclü superkompyuter yaradılıb

Çində daha bir superkompyuter yaradılıb. Superkompyuter indi dünyanın ən güclü kompyuterləri reytinqində ikinci yerdə olan “Tyan'e-1a” texnologiyası əsasında işləyir. Yeni superkompyuter “Tyan'e-1” adlandırılıb və 1.1 petaflop/san (saniyədə 1.1 kvadrillion əməliyyat) pik gücə malikdir. Bu da “Tyan'e-1a” göstərdiyi nəticədən (4,7 petaflop/san) azdır.
“Tyan'e-1” ötən istirahət günü Xunan əyalətinin superkompyuter mərkəzində istismara daxil edilib. Bu maşının əsas vəzifəsinin iqlim proqnozlaşdırması, həmçinin avtomobil, aerokosmik və tibbi sahələrdə müxtəlif istehsal proseslərinin modelləşdirilməsi olduğu bildirilib.
Bu ilin oktyabrına “Tyan'e-1” superkompyuterinin gücü nəzəri hüduda - 3 petaflop/san qədər artırılacaq, yeni maşının yaradıldığı Çin Müdafiə Texnologiyaları Milli Universitetinin professoru Lyu Yuton bildirib. “Top 500 supercomputing list” siyahısında indiki reytinqə əsasən, bu maşın 5-ci yeri tutur. Bu superkompyuter güc üzrə yapon “Subame 2.0” superkompyuterinə uyğundur.
2010-cu ilin oktyabrında Çin superkompyuteri “Tyan'e-1a” ən güclü kompyuterlərin siyahısında birinci yeri tutub. Qeyd edək ki, son 6 ildə reytinqdə Amerika maşınları üstün olublar. 2011-ci ilin may ayında “Top 500” reytinqi yenilənib və 8,16 petaflop/san pik gücə malik yapon kompyuteri “Fujitsu K” birinci yeri tutub.



Baxış sayı: 1222

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024