PROQRAM TƏMİNATI

Tarix:22/08/12

“Windows” smartfonlar bazarında lideri müəyyənləşdirilib

"Nokia" şirkətinin "Windows Phone" platforması ilə işləyən smartfonlar bazarındakı payı 60 faizə yaxınlaşıb. "ICTnews.az" elektron xəbər xidməti "compulenta.ru" saytına istinadən bildirir ki, 2012-ci ilin yanvarında "Nokia"-nın Windows Phone" platforması ilə işləyən smartfonlar bazarında payı 22 faiz təşkil edib.

"HTC" və "Samsung" şirkətlərinin bazar payı isə müvafiq olaraq 44 və 23 faizə bərabər olub. 2012-ci ilin mayında "Nokia"-nın bazar payı 50 faizədək artıb, halbuki "HTC" və "Samsung" şirkətlərinin payı müvafiq olaraq 27 və 15 faizədək azalıb.

Bununla belə, "IDC" analitik şirkətinin hesablamasına görə, 2012-ci ilin ikinci rübündə bu mobil əməliyyat sisteminin smartfon bazarındakı payı 3.5 faiz təşkil edib. Müqayisə üçün: "Android" və "iOS" platformalarının ümumi payı 85 faizə çatır.

EMİL

Baxış sayı: 769