XƏBƏRLƏR

Tarix:23/08/12

«Telekom» basketbol klubu ölkə çempionatına qatılacaq

Gəncə Telekommunikasiya İdarəsinin nəzdində yaradılmış «Telekom» basketbol klubu sentyabr ayından etibarən ölkə çempionatına qoşulacaq. Daha sonra komanda Gürcüstanda 5 ölkənin (Türkiyə, Azərbaycan, Gürcüstan, Ermənistan, Bolqarıstan) iştirakı ilə keçiriləcək turnirə qatılacaq.

"ICTnews" elektron xəbər xidmətinin məlumatına görə, bu haqda komandanın baş məşqçisi Elçin Süleymanov məlumat verib. O bildirib ki, Gəncənin oğlanlar və qızlardan ibarət olan «Telekom» basketbol klubu 2002-ci, 2006-cı illərdə ölkə çempionu adını qazanıb.

Eləcə də klubun yetirmələri arasında paytaxt klubunda yarışan, 5 qat ölkə çempionu olan basketbolçular var. E.Süleymanov həmçinin qeyd edib ki, Gəncədə 1993-cü ildən etibarən basketbol idman növü yeni inkişaf mərhələsinə qədəm qoyub, 1996-cı ildən etibarən isə rəsmi yarışlara qatılıb.

CAHANGİR

Baxış sayı: 908