TEXNOLOJİ YENİLİKLƏR

Tarix:17/09/12

Yeni virtual klaviaturanın qiyməti 100 dollardır

“Brookstone” smartfon və planşetlər üçün nəzərdə tutulmuş “CTX Virtual Technologies” virtual klaviaturası üçün sifarişlərin qəbuluna başlayır.

“ICTnews.az” elektron xəbər xidməti “compulenta.ru” saytına istinadən bildirir ki, ölçüsünə görə “Zippo” alışqanı ilə müqayisə edilə bilən qurğu “QWERTY” düzülüşlü klaviaturanın təsvirini istənilən yastı səthdə əks etdirir. Barmaqların hərəkəti optik datçik tərəfindən izlənilir; minikompyuter və smartfonla məlumat mübadiləsi üçün simsiz “Bluetooth” əlaqədən istifadə olunur.

Virtual klaviatura daxili litium-ion akkumulyatoru vasitəsilə enerji toplayır və avtonom iş müddəti iki saat təşkil edir. Enerji yükləmə “USB” portu vasitəsilə həyata keçirilir.Virtual klaviaturanın qiyməti 100 dollar təşkil edir; oktyabrda tədarük edilməyə başlanacaq.

EMİL

Baxış sayı: 1490