Tarix:27/09/12

Yaponlar bankomatlardan pulu ovucla çıxarda biləcəklər

Yaponiyada bank kartı ilə deyil, ovuc vasitəsilə işləyən birinci bankomatlar fəaliyyətə başlayıb. Bu barədə "Ogaki Kyoritsu” bankının dərc edilmiş  bəyanatında bildirilib.

“ICTnews.az” elektron xəbər xidməti “itar-tass.com” saytına istinadən bildirir ki, nağd pul çıxartmaq və ya hesaba pul daxil etmək üçün hesab sahibi sadəcə ovcunu “oxuyan” qurğuya  qoymalı, doğum tarixini və pin-kodu daxil etməlidir. Bunun üçün  banka biometrik məlumatlar haqqında əvvəlcədən bildirmək lazımdır.

"Ogaki Kyoritsu” bankının nümayəndələri iddia edirlər ki, belə aparatlar təbii fəlakətlər zamanı faydalı olacaq, çünki insan fövqəladə vəziyyətdə pulsuz və sənədsiz qala bilər. Bundan əlavə, yeni sistem müştərinin puluna icazəsiz müraciət hallarını aradan qaldırmaqda yardımçı olacaq.





EMİL

Baxış sayı: 809

© İstifadə edilərkən İctnews-a istinad olunmalıdır