Tarix:08/10/12

“Microsoft” oktyabrda tədbir keçirəcək

“Microsoft” korporasiyası jurnalistləri oktyabrın sonunda ”Windows 8” əməliyyat sistemi (ƏS) və “Windows Phone 8” mobil platformasına həsr ediləcək tədbirə dəvət edib.

"Windows 8" ƏS-nə təklif ediləcək birinci tədbir oktyabrın 25-də Nyu-Yorkda keçiriləcək. Qeyd edək ki, “Windows 8” ƏS-i “Microsoft”un sensor ekranlarla iş üçün optimallaşdırılmış birinci stolüstü platformasıdır və onun relizi oktyabrın 26-na nəzərdə tutulub.

“Microsoft”un mobil proqram təminatının hazırlanması üzrə komandası da mətbuatı “Windows Phone 8” platformasına həsr edilmiş tədbirə dəvət edib. Tədbir oktyabrın 29-da San-Fransisko şəhərində keçiriləcək.
Qeyd edək ki, “Microsoft” korporasiyası “Windows Phone 8” mobil platformasını 2012-ci ilin iyununda təqdim edib, lakin onun çıxarılma tarixini açıqlamayıb.




EMİL

Baxış sayı: 1351

© İstifadə edilərkən İctnews-a istinad olunmalıdır