Tarix:09/10/12

Smartfonlar gələcəkdə 5 düymlü ekranlara malik olacaq

“Samsung” şirkətinin “Galaxy Note 5” “planşetofon”unu 5 düymlü ekranla təchiz etməsi tendensiyasından artıq digər istehsalçılar da istifadə etməyə başlayıblar. Bu yaxınlarda “Japan Display” şirkəti smartfonlar üçün böyük maye kristal panel istehsal etmək niyyəti haqqında bəyan edib.

“ICTnews.az” elektron xəbər xidməti “vesti.ru” saytına istinadən bildirir ki, “JDI” - “Sony”, “Toshiba” və “Hitachi” şirkətlərinə məxsus ortaq müəssisədir və yeni nəsil 5 düymlü ekranların istehsalına başlayıb. Şirkət IPS matris, 1080x1920 nöqtə təsvir ölçüsü və 1 düymdə 443 piksel təklif edir.

Yaponların ekranı son göstərici üzrə (1 düymdə 443 piksel) “iPhone 5” (326 ppi), “Galaxy S III” (306) və “Sony Xperia S” (342) smartfonlarını üstələyir.

Bundan əvvəl bir neçə böyük istehsalçı smartfonlar üçün 5 düymlü ekran istehsalı haqqında bildirmişdi. “Sharp” şirkətinin də eyni xüsusiyyətlərə malik ekran istehsalı ilə məşğul olacağı məlumdur. Bundan başqa, Çinin “Oppo” şirkəti artıq “Oppo Finder 5” modelini elan edib. Bu model 1080p (1920x1080) ekranla təchiz edilmiş birinci telefondur. O, 441 ppi sıxlığa malik 5 düymlü panellə təchiz ediləcək.


EMİL

Baxış sayı: 885

© İstifadə edilərkən İctnews-a istinad olunmalıdır