Tarix:30/10/12

“Wi-Fi” ötürücüyə malik “LED” lampa hazırlanıb

Müasir “ağıllı” evlərdə bir çox məişət predmetlərini (temperatur, qapı qıfılı, paltaryuyan maşın, tozsoran və sair) smartfon vasitəsilə  idarə etmək olar. Lakin belə həllər hələ ki kütləvi hal almayıb. Buna səbəb onların baha olması, həmçinin bir-biri ilə uyğun olmamasıdır.

“ICTnews.az” elektron xəbər xidməti “cybersecurity.ru” saytına istinadən bildirir ki, “Philips” şirkəti “ağıllı” evlər üçün yeni həllini - işıq diodu lampasını təqdim edib. Bundan başqa, “LED” lampa bir neçə rəng rejimində işləyə bilir, daxili “Wi-Fi” ötürücüyə malikdir.

Nəticədə lampa internetə çıxış imkanına malikdir. Belə lampa sahibi isə onun işini “iPhone” və ya “iPad” qurğularına quraşdırılmış tətbiq vasitəsilə idarə edə bilər; müvafiq mobil tətbiq yaradılıb və artıq “App Store” onlayn mağazasında əlçatandır.

Hər bir lampa işlək vəziyyətdə 50 vatt enerji sərf edir.İstifadəçi “iPhone” smartfonuna quraşdırılmış tətbiq vasitəsilə lampanı yandıra və söndürə, rəngini seçə bilər.
 
EMİL

Baxış sayı: 868

© İstifadə edilərkən İctnews-a istinad olunmalıdır