PROQRAM TƏMİNATI

Tarix:31/10/12

“Windows 8” əməliyyat sisteminin 4 milyondan çox surəti satılıb

Amerikanın “Microsoft” korporasiyası dörd gün ərzində yeni “Windows 8” əməliyyat sisteminin (ƏS) dörd milyondan çox surətini satıb. Bu barədə Redmond şəhərində keçirilən “BUILD 2012” konfransında korporasiyanın baş direktoru Stiv Ballmer bildirib.

Ballmer, həmçinin bildirib ki, “Windows 8” ƏS-i ilə işləyən planşet və fərdi kompüterlər istehsal edən tərəfdaş-istehsalçılar üçün yeni əməliyyat sisteminə on milyonlarla lisenziya təqdim edilib.

“ICTnews.az” elektron xəbər xidməti “itar-tass.com” saytına istinadən bildirir ki, “Microsoft” rəhbəri, həmçinin oktyabrın 26-da satışa çıxarılmış “Surfacе” planşetinin satış həcmi haqqında məlumat verməyib.

EMİL

Baxış sayı: 1564