Tarix:08/11/12

Yeni yaradılan kamera-top polislərin işini asanlaşdıracaq

“Bounce Imaging” şirkəti qeyri-adi kamera hazırlayıb. Kamera görünüşcə tennis topuna oxşayır, lakin o, bir çox optik boşluqlara malikdir və həmin boşluqlarda mükəmməl görünüş imkanına malik obyektivlər yerləşdirilib. Şirkətdən verilən məlumata əsasən, belə kamera, məsələn, polislərə və ya yanğınsöndürən xidmətə faydalı ola bilər.

“ICTnews.az” elektron xəbər xidməti “cybersecurity.ru” saytına istinadən bildirir ki, kamera digər analoqlarından təxminən 90 faiz daha ucuzdur. Şirkətin təsisçisi Aqulara Fransiskonun sözlərinə görə, onların məhsulu müxtəlif sahələrdə istifadə edilə bilər. "Fövqəladə hallarda və zəlzələdən sonra xilasetmə prosesi hazırda xeyli sayda insan əməyi və ixtisaslaşdırılmış bahalı avadanlıq tələb edir" - o bildirib.
"Biz texnologiyalarımızın xilasetmə və müxtəlif mürəkkəb işlərdə könüllülərə yardımçı olacağına ümid edirik" - Aqular qeyd edib.

O, həmçinin bildirib ki, kamera hələ ki prototip halındadır, lakin artıq innovasiya sahəsində bir neçə mükafata layiq görülüb.

Kameranın yeganə çatışmazlığı onun qiymətidir. Belə ki, qiyməti təxminən 5000 dollar təşkil edir, lakin şirkətdən verilən məlumata əsasən, qurğu kütləvi istehsal olunduğu halda qiyməti 500 dollara qədər azaltmaq niyyətindədirlər.

EMİL

Baxış sayı: 1705

© İstifadə edilərkən İctnews-a istinad olunmalıdır