Tarix:08/11/12

"Elektron xəfiyyə" itmiş predmetləri tapacaq

Bəzi insanlar daima evdə açar, telefon, şəxsiyyət vəsiqəsi və ya digər predmetlərini itirirlər. Axtarışlar isə uzunmüddətli və əsəbiləşdirici olur. “Gadget Hound” adlı cihaz bu işdə insanlara yardımçı olacaq.

“ICTnews.az” elektron xəbər xidməti “vesti.ru” saytına istinadən bildirir ki, sistem yığcam ötürücü aparat və bir neçə kiçik qəbuledicidən ibarətdir. İstifadəçi qəbulediciləri lazımi predmetlərə bərkidir. Predmet itdiyi halda isə onu qulaqbatırıcı səs siqnalı vasitəsilə tapmaq mümkün olacaq.

Qurğu 2 versiyada (4 və 6 qəbuledici ötürücü aparat) tədarük olunur. “Gadget Hound” cihazı predmetləri ötürücü aparatdan 280 metr məsafədə tapmağa “qadirdir”. Radiosiqnal divar və döşəməni “dəlib” keçir.
Qurğu artıq bu qış bazara çıxarılacaq.




EMİL

Baxış sayı: 1801

© İstifadə edilərkən İctnews-a istinad olunmalıdır