Tarix:13/11/12

Yeni “CNet 3G router CQR 981” artıq Azərbaycan bazarındadır

İnternetə qoşulmaq üçün yeni “3G” modem - “CNet 3G router CQR 981” artıq Azərbaycan bazarındadır. “İCTnews” elektron xəbər xidmətinə bu barədə “KÜR” EAİ MMC-nin direktoru Rizvan Osmanov məlumat verib.

Onun sözlərinə görə, “router” yeni “3G” və 3.5 modemləri, yəni DATA kartları dəstəkləyir: “Eyni zamanda onun USB gücləndirici vasitəsilə işləmək imkanı var. Belə ki, enerjini birbaşa USB ilə kompüterə qoşub işlətmək mümkündür. “CQR-981”-in digər üstünlüklərinə gəlincə, o, portativ simsiz -“N 3G/4G router”dir.

Harada olmağınızdan asılı olmayaraq, öz “Wi-Fi hotspot”-unuzu yarada bilərsiniz.  İstənilən yerdə “desktop”, “laptop”, “tablet PC” və smartfonlardan rahatlıqla “Wi-Fi” -ya bağlana bilərsiniz. USB portdan güc çəkmə xüsusiyyətinə malik olan “CQR 981” yüksək sürətə malikdir və bu sürət 300 Mbps təşkil edir”.


 
HƏQİQƏT

Baxış sayı: 1602

© İstifadə edilərkən İctnews-a istinad olunmalıdır