TEXNOLOJİ YENİLİKLƏR

Tarix:14/11/12

Azərbaycanlı mütəxəssis aviasiya sahəsində yeni texnologiya ixtira edib

Azərbaycanlı mütəxəssis Ədalət İsmayılov aviasiya sahəsində yeni texnologiya ixtira edib. Ukraynanın Xarkov şəhərində, "Çayka" MMC-də çalışan soydaşımızın ixtira etdiyi mühərrikin (məsələn, reduktor və ya birvintli helikopterin daşıyıcı vintin) - reaktiv momentin kompensasiya mexanizmi böyük praktiki əhəmiyyətə malikdir. "ICTnews" elektron xəbər xidmətinə bu barədə AMEA-nın Elmi İnnovasiyalar Mərkəzindən məlumat verilib.

Mərkəzdən bildirilib ki, helikopterin daşıyıcı vintinin reaktiv momentin kompensasiya mexanizminin tətbiqi nəticəsində sükan vint və quyruq tirsiz helikopter istehsalına imkan yaranacaq: "Bunun nəticəsində az qabaritli və az çəkili helikopterlərin istehsalı mümkün olacaq. Hal-hazırda ixtiraçı investor axtarışındadır. Maraqlanan şəxslər Elmi İnnovasiyalar Mərkəzinə müraciət edə bilərlər".

HƏQİQƏT

Baxış sayı: 1463