MARAQLI

Tarix:16/11/12

“Apple” şirkətinin həmtəsisçisi oyun qəhrəmanı olub

“Apple” şirkətinin təsisçilərindən biri Stiv Voznyak aktyor Denni Trexo ilə birgə “Danny Trejo's Vengenance” adlı oyunun qəhrəmanı olublar. “iOS” platforması üçün nəzərdə tutulmuş 8-bitlik arkada oyununda Stiv Voznyak həyat yoldaşını xilas etmək üçün quldurlarla dolu şəhərdən keçməli olacaq.

“ICTnews.az” elektron xəbər xidməti “vesti.ru” saytına istinadən bildirir ki, tətbiq noyabrın 22-də “App Store” mağazasında yerləşdiriləcək. Stiv Voznyak bildirib ki, o və onun həyat yoldaşı tətbiqi səsləndirməyə məmnuniyyətlə razılaşıblar. "Oyun çox əyləncəli və maraqlıdır" – o, təəssüratlarını bölüşüb.

Qeyd edək ki, 1976-cı ildə Stiv Voznyak Stiv Cobsla birgə “Apple” şirkətinin əsasını qoyub. Lakin 1987-ci ildə o, şirkəti tərk edib. Maraqlısı odur ki, Voznyak indiyə qədər “Apple”-ın əməkdaşı hesab edilir və hətta maaş alır.

EMİL

Baxış sayı: 668