Tarix:19/11/12

Böyük Britaniya 2018-ci ilədək “5G” şəbəkəsinin tətbiqinə başlayacaq

Britaniyanın “Ofcom” milli telekommunikasiya tənzimləyicisi ölkə ərazisində beşinci nəsil şəbəkəsinin tətbiqi üçün hazırlıq işlərinə start verib. “Ofcom”un proqnozlarına görə, 2030-cu ildə britaniyalılar tərəfindən ötürülən məlumatların həcmi hazırkı göstəricilərlə müqayisədə 80 dəfə artacaq və beşinci nəsil şəbəkəsini tətbiq etmədən bu problemi aradan qaldırmaq mümkün olmayacaq.

“ICTnews.az” elektron xəbər xidməti “cybersecurity.ru” saytına istinadən bildirir ki, “Ofcom”un baş direktoru Edvard Riçardsın sözlərinə görə, ölkə ərazisində “5G” tezliklərinin bölgüsü üzrə birinci hərraclar 2018-ci ildə keçirilə bilər. O, həmçinin bildirib ki, “5G” şəbəkələrinin tətbiqi milli internet şəbəkələrini yüklənmədən xilas etməli, həm də internet iqtisadiyyatı və rəqəmli texnologiyanın inkişafını sürətləndirməlidir.





 
EMİL

Baxış sayı: 1437

© İstifadə edilərkən İctnews-a istinad olunmalıdır