Tarix:21/11/12

İngiltərədə “Pol” adlı robot rəssam yaradılıb

Fransalı rəssam, həmçinin mühəndis-konstruktor və hazırda Londonda yaşayan Patrik Tresse Pol adlı robot rəssam quraşdırıb. O, keyfiyyətli portretlər çəkə bilir.

“ICTnews.az” elektron xəbər xidməti “pitbit.ru” saytına istinadən bildirir ki, Pol, sözün əsl mənasında, robot deyil, o, xüsusi alqoritmlə idarə olunan karandaş tutmuş mexaniki əldən ibarətdir. Bütün işi məhz kompüter proqramı yerinə yetirir; o, insana web-kamera vasitəsilə “baxmaqla” onun üzünün obrazını yaradır. Əl isə onu kağıza köçürür.

Patrik Tresse qeyd edib ki, mexaniki əli hazırlamamaq da olardı; portretlər adi printer vasitəsilə də daha sürətli çap olunardı. Lakin robotun kağız üzərində rəsm çəkmə prosesi çox effektiv görünür.





EMİL

Baxış sayı: 1369

© İstifadə edilərkən İctnews-a istinad olunmalıdır