TEXNOLOJİ YENİLİKLƏR

Tarix:24/11/12

Nəhəng "ailə" planşeti yaradılıb (VİDEO)

Fransanın "Archos" şirkəti "Arnova FamilyPad" planşetini təqdim edib. "FamilyPad"-ın əsas xüsusiyyəti 13,3 düymlü nəhəng ekranla təchiz edilməsidir.

“ICTnews.az” elektron xəbər xidməti “vesti.ru” saytına istinadən bildirir ki, belə qurğunu əldə saxlamaq o qədər də rahat deyil, ona görə də üzərində xüsusi altlıq təklif edilir. Planşetin ölçüsünə baxmayaraq, ekranın təsvir ölçüsü (1280x800 piksel) ürəkaçan deyil.

Planşet, ilk növbədə videoya baxmaq üçün nəzərdə tutulub. Ekranın ölçüsü sayəsində bu planşetdə kinoya ailəvi baxmaq mümkündür. Qurğu 1 QHs (qiqahers) takt tezliyində işləyən birnüvəli prosessor, 1 QB (qiqabayt) əməli yaddaş, 8 QB daxili yaddaş (onu "microSD" vasitəsilə artırmaq mümkündür), 2 meqapikselli arxa və ön kamera və "Wi-Fi" modulu ilə təchiz olunub.

Planşet "Android 4.0" platforması ilə işləyir. Onun ölçüləri 262 x 171 x 12,5 millimetr təşkil edir. Çəkisi 1,3 kiloqramdır. Akkumulyator batareyasının tutumu haqqında hələlik məlumat yoxdur."FamilyPad" planşetinin Avropada satışlarına artıq dekabrda start veriləcək. Onun qiyməti 275 avro təşkil edəcək.

EMİL

Baxış sayı: 1314