Tarix:27/11/12

Dünyada ən kiçik radar çipi yaradılıb

Almaniyalı mühəndislərin 8x8 millimetr ölçüsündə yaratdıqları “Success” adlı kiçik çip radar funksiyasını həyata keçirir. O, 120 QHs tezlikdə işləyir və 3 metr radiusda obyektlərə qədər məsafəni 1 millimetr dəqiqliklə təyin edə bilir. Radar, həmçinin hərəkət edən obyektlərin sürət və hərəkət trayektoriyasını müəyyən edərək onları "görür".

“ICTnews.az” elektron xəbər xidməti “pitbit.ru” saytına istinadən bildirir ki, qurğunun maya dəyəri 1 avroya bərabərdir. Çipin ölçüsü kiçik olduğuna görə onu smartfon və digər mobil cihazlara quraşdırmaq mümkündür. Beləliklə, smartfonlarda radar funksiyası meydana çıxacaq.

“Success” qurğusu ilə artıq yalnız mobil elektronika deyil, həm də müxtəlif məişət texnikası istehsalçıları maraqlanırlar.





EMİL

Baxış sayı: 1421

© İstifadə edilərkən İctnews-a istinad olunmalıdır