TEXNOLOJİ YENİLİKLƏR

Tarix:03/12/12

Smartfonlar üçün aksesuar həkimi əvəz edəcək (VİDEO)

Smartfonlar üçün qeyri-adi "Scanadu" aksesuarları temperaturu, nəbzi, təzyiqi ölçə, sidiyi təhlil edə və yalnız diaqnoz deyil, həm də müalicə üçün tövsiyələr verə bilər.

"ICTnews.az" elektron xəbər xidməti "vesti.ru" saytına istinadən bildirir ki, şirkət 3 belə qurğu hazırlayıb. "Scanadu Scout" gicgahlardan qandakı oksigenin miqdarı, təzyiq, ürəyin elektrik fəallığı, temperatur və sair haqqında informasiyanı "oxuyacaq". "ScanaFlo" sidik-tənasül sistemi, qaraciyər və digər orqanlarla əlaqəli xeyli sayda xəstəliyi aşkar etməyə imkan verən sidiyin analizini həyata keçirəcək.

"ScanaFlu" soyuqdəymənin diaqnostikası üçün nəzərdə tutulub. Tibbi qurğu telefonla "Bluetooth" vasitəsilə əlaqə yaradır, əldə edilmiş məlumatları xüsusi tətbiq emal edir və o, istifadəçiyə dəqiqləşdirici suallar verəcək və zərurət olduqda telefonun "GPS"-dən istifadə edəcək. Tətbiq "iOS", "Android" və "Windows Phone" platformalarında əlçatandır.

Xəstənin vəziyyəti ciddi olduğu halda, smartfon yaxında yerləşən klinikaların ünvanlarını, onların telefon nömrələrini bildirəcək. "Cib həkimi"nin istehsalçıları söz veriblər ki, qurğu satışa gələn il çıxarılacaq. Onun təxmini qiyməti 150 dollara bərabərdir.EMİL

Baxış sayı: 1237